Kryeministri Albin Kurti ka thënë se shkrimtarit më të madh shqiptar, Ismail Kadaresë, iu kishte ngulitur aq thellë në mendje një skulpturë e Nënës Terezë sa edhe pati shkruar: “Nënë Tereza e Mulliqit ka një metaforë të rrallë që duke shpërthyer nga toka dëshmon për vërtetësinë e shenjtores sonë”.
Kryeministri Kurti në postimin e tij në Facebook ka thënë se Luan Mulliqi ka ndërruar jetë. Si veprat, edhe emri i tij, jehon gjithandej. Artisti nuk shuhet, sepse vepra e tij jeton.
Pafund janë vendet në të cilat ka ekspozuar e ku veprat e tij janë të koleksionuara, njësoj sikur pafund janë punët që la pas.
Artisti nuk shuhet, sepse vepra e tij jeton.
Një artist me shije të hollë e me dije të gjerë nga sot nuk është më në mesin tonë.
Mungesën do t’ia ndjejmë përherë më shumë, por, Luanin do ta shohim në qytet nëpërmjet punës së tij.
Ngushëllime familjes, miqëve, kolegëve e studentëve të tij! Ngushëllime të gjithë neve!
