UNICEF dhe Universiteti i Prishtinës në partneritet me Bashkimin Evropian nënshkruan një marrëveshje të re: “Përmirësimi i qasjes në shërbimet e shëndetit mendor dhe psiko-social për fëmijët”, financuar nga Bashkimi Evropian (BE).
Të pranishëm në ceremoninë e lansimit sot ishin ushtruesja e Detyrës së Shefes së Zyrës së UNICEF -it në Kosovë, Larissa Bruun, Rektori i Universitetit të Prishtinës “Hasan Prishtina”, Prof. Dr. Naser Sahiti dhe Dario Di Benedetto, Udhëheqës i Ekipit në Zyrën e Bashkimit Evropian në Kosovë i Departamentit të Zhvillimit Social – Bashkëpunimit.
Në ceremoninë e lansimit sot, ushtruesja e Detyrës së Shefes së Zyrës së UNICEF -it në Kosovë, Larissa Bruun, tha: “Ky partneritet na mundëson që t’i adresojmë drejtpërdrejt disa nga sfidat e shkaktuara nga situata e pandemisë përmes rritjes së reagimit të sistemit të Mbrojtjes së Fëmijëve dhe Arsimimit dhe duke siguruar që shërbimet të jenë më të barabarta, gjithëpërfshirëse dhe t’i plotësojnë nevojat e fëmijëve më të cenueshëm dhe prindërve të tyre. Partneriteti do të gjenerojë njohuri mbi ndikimin e situatës së pandemisë tek fëmijët dhe familjet dhe do të mundësojë ofrimin e shërbimeve me fokus në barazi.
Rektori i Universitetit të Prishtinës, Prof. Dr. Naser Sahiti vlerëson lartë kontributin e UNICEF-it dhe Zyrës së Bashkimit Evropian në këtë drejtim.
Ai më tej deklaroi se: “Universiteti i Prishtinës do të tregojë lidership dhe pronësi si pjesë e këtij partneriteti që synon të arrijë rezultate të përbashkëta në përmirësimin e gjendjes së fëmijëve dhe familjeve të tyre të prekura nga situata me pandeminë dhe pas pandemisë”.
Ndërsa, Dario Di Benedeto, udhëheqës i ekipit të Zyrës së Bashkimit Evropian në Kosovë për Departamentin e Zhvillimit Social – Bashkëpunimit tha se projekti që po e fillojmë sot, është pjesë e një nisme rajonale të financuar nga BE, dhe është si mbështetje për përpjekjet e BE -së për t’i mbrojtur grupet më të cenueshme në Kosovë si reagim ndaj ndikimeve të Covid-19.
BE-ja e mirëpret këtë bashkëpunim që e kombinon ekspertizën e dy partnerëve të rëndësishëm të BE-së, UNICEF-it dhe Universitetit të Prishtinës, me synim mbrojtjen e mirëqenies së fëmijëve dhe familjeve gjatë pandemisë dhe më gjerë, thuhet në postimin në Facebook të UNICEF Kosova.
