Kryetari i Prishtinës, Përparim Rama ka takuar anëtarët e Komisionit për Mjedis, Ushqim, Bujqësi, Planifikim dhe Zhvillim, ku temë kryesore e diskutimit ishin shërbimet që ofron Ndërmarrja “Prishtina Parking”.
Rama në postimin e tij në Facebook ka thënë se pasi që qytetarët e Prishtinës kanë paraqitur ankesa të shumta për parregullsitë në parkingje, është formuar grupi punues për të plotësuar dhe ndryshuar rregulloren e kësaj Ndërmarrje.
Jemi vënë në dijeni për parregullsitë që janë evidentuar nga qytetarët e Prishtinës, të cilët kanë paraqitur ankesa të shumta.
Pikërisht për këtë arsye, i ftuam anëtarët e këtij komisioni që të jenë pjesë e grupit punues i cili është formuar për të plotësuar dhe ndryshuar rregulloren e kësaj Ndërmarrjeje, me qëllim të adresimit të pakënaqësive të shprehura.
Ne do të jemi gjithmonë në shërbim të qytetarëve!
