Komuna e Prishtinës ka njoftuar se Drejtoria e Inspeksionit gjatë ditës ka kryer një aksion rrënimi e disa garazheve të ndërtuara pa leje.
Rrënimi është kryer pasi që ndërtuesi paraprakisht, me kohë, është paralajmëruar përmes akteve dhe shkresave zyrtare të Drejtorisë së Inspeksionit.
Për këtë qëllim, Drejtoria e Inspeksionit, kërkon nga të gjithë të respektojnë rregullativën komunale dhe të mos fillojnë të ndërtojnë pa u pajisur paraprakisht me leje nga organet kompetente të kryeqytetit, thuhet në postimin në Facebook të Komunës së Prishtinës.