ministria e Kulturës, Rinisë dhe Sportit ka njoftuar se ministri Hajrulla Çeku dhe ministrja e Ministrisë së Punëve të Jashtme, Donika Gërvalla, të shoqëruar nga delegacioni i MKRS, MPJ dhe MASHT, në Ambasadën e Republikës së Kosovës në Lisbon të Portugalisë, ishin pjesë e aktiviteteve hapëse të Javës Kulturore të Kosovës.
11 vepra të reja të artit të blera nga MKRS vitin e kaluar iu shtuan ekspozitës së ambasadës teksa këndi i bibliotekës u hap dhe u mbush me tituj kosovarë, libra të dhuruar nga Biblioteka Kombëtare e Kosovës.
Gjatë bisedës me pjesëtarë të diasporës, ministri Çeku rikonfirmoi përkrahjen e shtetit për mbështetje të artit dhe artistëve, duke krijuar mundësi të reja të promovimit të tyre edhe jashtë kufijve, thuhet në postimin në Facebook të MKRS-së.
