Kryetari i Komunës së Prishtinës, Përparim Rama së bashku me ish presidenten, Atifete Jahjaga themeluese e Fondacionit “Jahjaga” kanë nënshkruar Memorandumin e Mirëkuptimit për bashkëfinancimin e projektit “Qendra e Fuqizimit Ekonomik të Grave”.
Rama në postimin e tij në Facebook ka thënë se ky projekt u ofron grave një platformë të fuqishme mbështetëse për t’i zhvilluar aftësitë sipërmarrëse dhe krijon mjedis të favorshëm për rritjen e bizneseve të tyre.
Duke promovuar përfshirjen dhe barazinë gjinore në fushën ekonomike, projekti kontribuon në rritjen e nivelit të punësimit dhe rritjen e fuqisë ekonomike të vendit.
