Në një konferencë të përbashkët mes u.d presidentes, Vjosa Osmanit dhe kryetarit të Lëvizjes Vetëvendosje Albin Kurtit, kanë nënshkruar marrëveshje për të garuar në zgjedhjet e 14 shkurtit së bashku me një listë. Kurti garon si kryeministër dhe Osmani presidente.
“Unë do të jem kryeministër dhe Osmani presidente në detyrë e cila duhet të legjitimohet dhe se është e domosdoshme rikthimi i qeverisë së mirë. Më 14 shkurt nuk ka zgjedhje po referendum”, ka thënë Kurti.
Kurse u.d. presidentja Vjosa Osmani ka thënë se marrëveshja që kanë arritur sot së bashku me LVV përfaqëson vullnetin e qytetarëve të vendit.
“Marrëveshja që kemi arritur përfaqëson vullnetin e qytetarëve dhe bashkimi shkon përtej bashkimit të një liste. Është bashkim për një kauzë që është në të mirë të qytetarëve tanë. Jemi të vendosur për të respektuar Kushtetutën dhe për të garantuar sovranitetin territorial të Republikës së Kosovës”, ka thënë Osmani.
