Presidentja Vjosa Osmani ka uruar Distria Krasniqin me rastin e shpalljes kampione e Evropës për herë të parë.
Ajo në postimin e saj në Facebook ka thënë se xhudistet tona të arta – të arta me medalje e me shpirt, po e ngrisin Republikën tonë lartë e më lartë
Distria e artë!
Sot, Distria Krasniqi, u shpall kampione e Evropës për herë të parë. Xhudistet tona të arta – të arta me medalje e me shpirt, po e ngrisin Republikën tonë lartë e më lartë. S’ka si të jetë ndryshe! Këto arritje të tyre janë reflektim i pastër i punës së palodhshme, angazhimit në një mision me qëllim të qartë, e konsistencë në këtë drejtim.
Ditën e parë të punës si Presidente e fillova pikërisht me Distrian dhe xhudistet tona fantastike. Atë ditë e kuptova edhe njëherë që secila nga këto vajza jan shkëndija në vete e që s’do të ndalen së shndrituri asnjëherë.
Faleminderit për nderin që po na e bëni të gjithëve, për nderin që po i bëni Republikës sonë.
Vetëm përpara e gjithnjë më fitore të reja!
