Kryeministri Albin Kurti sot është nisur për në Tiranë, ku do të takohet me udhëheqësit e shteteve të rajonit.
Ai ka bërë të ditur në postimin e tij në Facebook se para se të shkon në Tiranë është ndalur në Prizren për nder të 143 vjetorit të Lidhjes së Prizrenit.
Jemi nisur herët në mëngjes për në Tiranë, ku do të takohemi me udhëheqësit e shteteve të rajonit. Por sot është data e kryengjarjes së kombit tonë, përvjetori i Lidhjes që u mblodh në 10 qershor 1878 në Prizren.
Ishte e domosdoshme të ndaleshim në Prizren për ta nderuar Lidhjen e veprimtarët e saj, gegë e toskë e të të gjitha bindjeve politike e feve, që vendosën të bëhen bashkë për mbrojtjen e njerëzve e trojeve të Atdheut.
Pas homazheve, vijuam rrugën për në Shqipëri, duke e patur përherë të qartë se cila është busulla jonë historike, ajo që na e tregon udhën e mbarë.
