Presidentja Vjosa Osmani ka shkruar në Twitter me rastin e 11 vjetorit të vendimit të Gjykatës Ndërkombëtare të Drejtësisë ku thuhet se pavarësia e Kosovës nuk e shkel ligjin ndërkombëtar dhe se është koha që shtetet të cilat nuk e kanë njohur pavarësinë, ta njohin këtë realitet të pakthyeshëm.
“11 vjet më parë GJND-ja vendosi që pavarësia jonë nuk shkel ligjin ndërkombëtar. Koha që shtetet, të cilat nuk e kanë bërë ende, ta njohin këtë realitet të pakthyeshëm. Republika e Kosovës është këtu për të qëndruar: sovrane, e pavarur, demokratike dhe paqedashëse, do të mbetet përgjithmonë kështu”.