Policia e rajonit të Prishtinës, respektivisht, njësiti i hetimeve të përgjithshme, ka arrestuar tre të dyshuar për veprat penale, vjedhje e Rëndë, si dhe keqpërdorim i besimit.
Sipas informacioneve të deritanishme, janë ngritur dyshimet se, të dyshuarit nga një kompani biznesi në fshatin Llapnasellë, dyshohet të kenë vjedhur materiale specifike si dhe pajisje të caktuara, vlerat e përgjithshme e të cilave sipas denoncuesit arrin rreth 600 mijë euro.
Ndërmarrja e veprime hetimore dhe veprime të tjera operative të kryera nga njësiti i hetimeve të përgjithshme, ka rezultuar me identifikimin si dhe arrestimin e të dyshuarve, për të cilët dyshohet me bazë të jenë përfshirë në rastin në fjalë;
- M. 29 vjeç, mashkull, shtetas i Republikës së Kosovës,
- M. D. 34 vjeç, mashkull, shtetas i Republikës së Kosovës,
- G. D. 29 vjeç, femër, shtetase e Republikës së Kosovës.
Operacioni është përcjellë edhe me bastisjen e disa lokacioneve, ndërkaq të dyshuarit me aktvendim mbi ndalimin e personit të arrestuar, të nxjerrë nga ana e prokurorit të shtetit, janë dërguar në mbajtje prej 48 orësh, si vijimësi e fazave të mëtejme të procesit hetimor, thuhet në postimin në Facebook të PK-së.