Ministria e Kulturës, Rinisë dhe Sportit bën të ditur se me intensitet të lartë dhe me angazhim gjithëpërfshirës po vazhdon puna drejt funksionalizimit të Agjencisë Anti-Doping në Kosovë.
Për 3 ditë radhazi, do të mbahet punëtoria me qëllim ngritjen e kapaciteteve të zyrtarëve për kontroll të dopingut.
Në kuadër të këtij aktiviteti do të ketë prezantime me ekspertë të anti-dopingut nga Sllovenia dhe Turqia teksa në hapjen e sotme mori pjesë zëvendësministrja Daulina Osmani, kryetari i KOK-ut, Ismet Krasniqi, Koordinatori i Komisionit për Anti-Doping, Bernard Tahirbegolli dhe zyrtarë tjerë, thuhet në postimin në Facebook të MKRS-së.